ᖃᕆᑕᐅᔭᒥᒃ ᐊᑐᕐᑎᐅᑉ ᐃᑎᕈᑎᖓ

ᑐᑭᓯᒋᐊᑦᓯᐊᕈᒪᐅᑏᑦ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦᓂᒃ ᑐᕌᕐᑎᑕᐅᒋᐊᓖᑦ ᐊᓪᓚᕕᖓᓄᑦ ᑯᑦᔪᐊᒦᑦᑐᒧᑦ, ᑯᐯᒻᒥ, ᐅᖄᓚᕕᐅᒍᓐᓇᑐᑦ 819-964-0888 ᓱᑲᑦᑐᑰᕈᑎᒃᑯᓗᓐᓃᑦ 819-964-0241, ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᐊᓪᓚᕕᐅᓗᑎᒃ ᐅᕙᓂ info@nmrpc.ca.


ᓱᕐᕋᑕᐅᔪᑦ ᕿᒥᕐᕈᔭᐅᓂᖓ

ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᒍ ᕿᒥᕐᕈᕈᓯᖅ ᓱᕐᕋᑕᐅᒍᑎᐅᔪᓂᒃ

ᓱᕐᕋᑕᐅᔪᑦ ᕿᒥᕐᕈᔭᐅᓂᖓ

ᓱᕐᕋᑕᐅᔪᓂᒃ ᕿᒥᕐᕈᓂᖅ (ᐱᓇᓱᐊᒻᒪᕆᑕᐅᔪᑎᒍᑦ ᓱᕐᕋᑕᐅᓃᑦ) ᑐᑭᓯᓇᕐᑎᑕᐅᔪᑦ ᐊᓪᓚᓯᒪᔪᒥᒃ 7-ᒥ ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ. ᐊᓪᓚᓯᒪᔪᓃᑦᑐᑦ ᐱᒋᐊᕐᑎᑕᐅᓲᑦ ᐱᓇᓱᐊᕈᒪᐅᑎᒃ ᐱᔭᐅᑐᐊᕐᒪᑦ ᐱᒍᓐᓇᐅᑎᑖᕐᑎᓯᔨᓂᑦ ᐱᓇᓱᐊᕈᒪᔪᖅ ᑭᒡᒐᑐᕐᓱᒍ. ᐱᓇᓱᐊᕈᒪᔪᖅ ᐃᓅᒍᓐᓇᑐᖅ, ᑎᒥᐅᒍᓐᓇᑐᖅ ᑲᕙᒪᒃᑯᓂᓪᓘᓃᑦ ᐊᖓᔪᕐᖃᐅᑎᐅᒍᓐᓇᓱᓂ ᓄᐃᑦᓯᔪᖅ ᐱᓇᓱᐊᕈᒪᒍᑎᒥᓂᒃ. ᐱᓇᓱᐊᕈᒪᒍᑎᒃ ᐃᓗᓕᖃᕐᑐᖅ ᐱᓇᓱᐊᕐᓂᐅᓚᖓᔪᒥᒃ ᑖᑦᓱᒪ ᐱᓇᓱᐊᕈᒪᔫᑉ ᑲᔪᓯᑎᒍᒪᔭᖓᓂᒃ ᓴᓇᓂᒃᑯᑦ, ᐊᐅᓚᑦᓯᓂᒃᑯᑦ, ᐊᓯᑦᔩᒋᐊᕐᓂᑯᑦ, ᓄᕐᖃᑎᑦᓯᓂᒃᑯᑦ, ᐃᐱᕃᓐᓀᓂᒃᑯᑦ ᑲᔪᓯᑎᑦᓯᓂᒃᑯᓗᓐᓃᑦ ᐱᓇᓱᐊᕐᓂᓚᕆᖓᒍᓪᓗᓃᑦ ᑕᑦᓱᒪ ᐱᓇᓱᐊᕈᒪᔫᑉ ᓄᓇᕕᐅᑉ ᑕᕆᐅᖓᓂ.

ᓱᕐᕋᑕᐅᒍᑎᐅᒍᓐᓇᑐᑦ ᕿᒥᕐᕈᔭᐅᒍᓯᖓ

ᐊᓪᓚᓯᒪᔪᖅ 7 ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ ᓴᕐᖀᓯᒪᕗᖅ ᒪᕐᕉᓂᒃ ᕿᒥᕐᕈᕈᓰᓐᓂᒃ ᐊᕙᑎᐅᑉ ᓱᕐᕋᑕᐅᑐᐃᓐᓇᕆᐊᖃᕐᓂᖓᓂᒃ ᐱᓇᓱᐊᕐᑕᐅᓚᖓᔪᒧᑦ; ᐊᑕᐅᓯᖅ 5-ᒦᑦᑐᑎᒎᕐᑐᖅ ᐁᑉᐸᖓᓗ 6-ᒦᑦᑐᑎᒎᕐᑎᓗᒍ ᑕᒡᒐᓂ ᐊᓪᓚᓯᒪᔪᒥ. 5-ᒦᑦᑐᑎᒎᕐᑐᖅ ᕿᒥᕐᕈᓂᖅ ᐊᑐᕐᑕᐅᓲᖅ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦᑕ ᐱᓇᓱᐊᕐᓂᖓᒍᑦ, 6-ᒦᑦᑐᑎᒎᕐᑐᓕ ᐊᑐᕐᑕᐅᓲᖅ ᑲᕙᒪᑐᖃᒃᑯᑦ ᐊᕙᑎᓕᕆᓂᕐᒥᒃ ᕿᒥᕐᕈᔨᖏᓐᓄᑦ.

5-ᒦᑦᑐᑎᒎᕐᑐᖅ ᕿᒥᕐᕈᓂᖅ

ᐱᓇᓱᐊᕈᒪᐅᑎᒃ ᑐᓂᔭᐅᔪᕕᓂᐅᓕᕐᐸᑦ ᕿᒥᕐᕈᑕᐅᖁᔭᐅᓗᓂ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑐᕐᖃᑕᕐᕕᐅᔪᒥᑦ, ᑖᒃᑯᐊ ᕿᒥᕐᕈᔩᑦ ᐃᒫᙰᕐᑐᓴᐅᔪᕆᔭᒥᓂᒃ ᖃᐅᔨᒋᐊᕐᕕᖃᓚᐅᕐᓗᑎᒃ, ᓄᐃᑦᓯᓕᕋᔭᕐᑐᑦ ᒪᓕᒐᑦᓴᕆᓂᐊᕐᑕᖏᓐᓂᒃ ᐱᓇᓱᐊᕈᒪᔫᑉ, ᐊᑐᐃᓐᓇᕈᕐᑕᐅᒍᑎᑦᓴᖏᓐᓂᒃ ᓱᕐᕋᑕᐅᓂᐅᑐᐃᓐᓇᕆᐊᓕᐅᑉ ᖃᓄᐃᓕᔭᐅᒍᑎᖏᓐᓂᒃ. ᐱᓇᓱᐊᕈᒪᔪᖅ ᐊᑐᐃᓐᓇᕈᐃᒋᐊᓕᒃ ᓱᕐᕋᑕᐅᓂᐅᑐᐃᓐᓇᕆᐊᓕᒻᒧᑦ ᖃᓄᐃᓕᒍᑎᐅᔪᓂᒃ ᒪᓕᓪᓗᒋᑦ ᒪᓕᒐᓕᐊᖑᓯᒪᔪᑦ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ. ᐱᓇᓱᐊᕈᒪᒋᐊᖕᖓᐅᑎᕕᓂᖅ ᕿᒥᕐᕈᖁᔨᒍᑎᕕᓂᖓ ᐱᓇᓱᒍᒪᔫᑉ ᐃᓗᓕᖃᑦᓯᐊᑐᐊᕐᐸᑦ ᑐᑭᓯᒪᒍᑎᐅᔪᓂᒃ ᓱᕐᕋᑕᐅᒐᔭᕐᓂᒥᒃ, ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ ᐊᖕᖔᒍᓐᓇᕕᖃᕐᑐᑦ ᐱᓇᓱᐊᕈᒪᐅᑎᒦᑦᑐᓂᒃ ᐊᑐᐃᓐᓇᕈᕐᑕᐅᑎᑦᓯᖏᖔᕐᓗᑎᒃ ᓱᕐᕋᑕᐅᑐᐃᓐᓇᕆᐊᓕᒻᒧᑦ ᖃᓄᐃᓕᒍᑎᐅᔪᓂᒃ.

6-ᒦᑦᑐᑎᒎᕐᑐᖅ ᕿᒥᕐᕈᓂᖅ

ᑐᕐᖃᑕᕐᕕᒃ ᐊᓪᓚᓯᒪᔪᕐᑎᒍᑦ 7.4.7 (ᐊ)-ᒥ ᑐᑭᑖᕐᐸᑦ ᑐᓂᔨᓚᖓᓗᓂ ᐱᓇᓱᐊᕈᒪᐅᑎᐅᔪᒥᒃ ᐊᕙᑎᓕᕆᓂᐅᑉ ᑐᕐᖃᑕᕐᕕᖓᓄᑦ ᓇᐅᓕᒫᓅᓕᖓᔪᒥᒃ ᕿᒥᕐᕈᓂᖃᖁᓪᓗᒍ ᑲᕙᒪᑐᖃᒃᑯᑦ ᐊᕙᑎᓕᕆᓂᕐᒥᒃ ᕿᒥᕐᕈᔨᖏᑦᑎᒍᑦ, ᑖᒃᑯᐊ ᕿᒥᕐᕈᔩᑦ ᕿᒥᕐᕈᓂᖃᓕᕋᔭᕐᑐᑦ ᐊᓪᓚᓯᒪᔪᐃᑦ 6-ᒦᑦᑐᑦ ᒪᓕᓪᓗᒋᑦ, ᐃᓚᖃᕐᑎᓗᒋᑦ ᐊᓯᖏᓐᓂᒃ ᐱᐅᓯᐅᔭᕆᐊᖃᕐᓂᕋᕐᑕᐅᔪᓂᒃ, ᑐᖕᖓᕕᐅᒋᐊᓕᓐᓂᒃ ᐃᓗᓐᓈᒍᓪᓗ ᐊᑐᕐᑕᐅᓲᓂᒃ, ᐅᒃᑯᐃᖔᑦᓯᐊᑐᒃᑯᑦ ᓱᓇᒥᑦᓯᐊᑐᕐᑎᒍᓪᓗ ᓇᐅᓕᒫᓅᓕᖓᔪᒥᒃ ᕿᒥᕐᕈᓂᕐᑕᖃᖁᓪᓗᒍ ᑌᒣᒍᓐᓇᑎᑕᐅᓂᖓᒍᑦ ᐊᕙᑎᓕᕆᓂᕐᒥᒃ ᕿᒥᕐᕈᓂᕐᒧᑦ ᒪᓕᒐᐅᑎᑕᐅᔪᓄᑦ (S.OR./84-467, 22 ᔫᓂ, 1984).

ᐱᓇᓱᐊᕈᒪᔪᑦ

ᐱᓇᓱᐊᕈᒪᔪᑐᐃᓐᓀᑦ ᑲᔪᓯᑎᑦᓯᒍᒪᔪᑦ ᖃᓄᐃᓘᕈᒪᐅᑎᒥᓂᒃ ᖃᐅᔨᒐᓱᐊᕐᕕᖃᖁᔭᐅᔪᑦ ᐊᖏᕈᓐᓇᑎᐅᔪᓂᒃ ᓄᓇᕕᐅᓪᓗ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦᓂᒃ. ᐱᓇᓱᐊᕈᒪᔪᖅ ᖃᐅᔨᒋᐊᕐᕕᖃᕐᖄᕆᐊᓕᒃ ᐊᖏᕈᓐᓇᑎᐅᔪᓂᒃ ᑲᒪᒋᔭᖃᕐᑐᓂᒃ ᓄᐃᑎᕆᔨᐅᓂᕐᒥᒃ ᐱᔪᓐᓇᐅᑎᓂᒃ (ᐊᓪᓚᓯᒪᔪᓂᒃ, ᑲᔪᓯᑎᑦᓯᒍᓐᓇᐅᑎᓂᒃ, ᓓᓴᓂᒃ, ᐊᑦᑕᑐᕐᓂᓂᒃ, ᓱᓕᓂᕃᒍᑎᓂᒃ ᐊᓯᖏᓐᓂᓗᓐᓃᑦ ᐊᓪᓚᓯᒪᔪᓂᒃ ᐅᖃᐅᓯᒃᑯᓗᓐᓃᑦ ᑐᓴᕐᑎᓯᒍᑎᐅᔪᓂᒃ ᐊᖏᕈᑎᓂᒃ ᐱᓇᓱᐊᕈᒪᔭᐅᔪᒥᒃ ᐅᕝᕙᓗᓐᓃᑦ ᐱᓇᓱᐊᕐᑕᐅᒍᒪᔫᑉ ᐃᓚᖓᓂᒃ ᑲᔪᓯᑎᑦᓯᒍᑎᐅᓂᐊᕐᓂᒃ ᐃᓕᖓᔪᓂᒃ ᑖᑦᓱᒧᖓ ᐱᓇᓱᐊᕐᑕᐅᒍᒪᓯᒪᔪᒧᑦ. ᐱᒻᒪᕆᐅᕗᖅ ᖃᐅᔨᒪᔭᐅᑦᓯᐊᕆᐊᓕᒃ ᐱᓇᓱᐊᕈᒪᐅᑎᐅᔪᖅ ᐊᑕᐅᓯᐅᖕᖏᑐᒥᒃ ᐊᖏᕐᑕᐅᓯᒪᒍᑎᖃᕆᐊᖃᑐᐃᓐᓇᕆᐊᖃᕐᒪᑦ ᐃᑉᐱᒋᓗᒋᑦ ᓄᓇᒥ ᐃᒪᕐᒥᓗ (ᑕᓯᕐᒥ ᑕᕆᐅᒥᓗᓐᓃᑦ) ᑲᒪᒋᔭᖃᕐᓂᐅᔪᑎᒍᑦ.

ᑐᑦᓯᕋᐅᑎᓕᐅᕐᕕᕕᓂᐅᓕᕐᑎᓗᒋᑦ ᐊᖏᕈᓐᓇᑎᐅᔪᑦ, ᐱᓇᓱᐊᕈᒪᔪᑦ ᖃᐅᔨᒋᐊᕐᕕᖃᖁᔭᐅᔪᑦ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦᓂᒃ ᐱᓇᓱᐊᕈᒪᔭᒥ ᒥᑦᓵᓄᑦ, ᑖᒃᑯᐊ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ ᓱᓇᒥᑦᓯᐊᑐᓂᒃ ᑐᑭᓯᒪᒍᑎᖃᑦᓯᐊᖁᓪᓗᒋᑦ ᐱᓇᓱᐊᕐᑕᐅᒍᒪᔪᒥᒃ, ᖃᐅᔨᓴᑦᓯᐊᕈᓐᓇᓂᐊᕐᒪᑕ ᐃᓗᐃᒃᑲᓯᐊᖑᑎᓪᓗᒍ.

ᐱᓇᓱᐊᕈᒪᐅᑎᒥᒃ ᑐᑭᓯᒐᓱᐊᕈᑏᑦ ᓯᑯᑦᓴᔭᖁᑎᓕᒫᓪᓗ ᐱᔭᕕᓂᐅᓕᕐᑎᓗᒋᑦ, ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ ᓯᕗᓪᓕᐹᑦᓯᐊᒥᒃ ᕿᒥᕐᕈᒋᐊᓯᓲᑦ ᐊᓪᓚᓯᒪᔪᓂ 7-ᒦᑦᑐᖅ 4 ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ ᒪᓕᑦᓱᒍ. ᕿᒥᕐᕈᓂᖅ ᐱᑦᔪᑎᖃᕐᑐᖅ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ ᓱᕐᖁᐃᓯᑦᓯᐊᖁᓪᓗᒋᑦ ᑖᓐᓇ ᐱᓇᓱᐊᕐᑕᐅᒍᒪᔪᖅ ᓱᕐᕃᓂᖃᕐᓂᐊᖒᕐᒪᖔᑦ. ᐊᓪᓚᓯᒪᔪᖅ 7 ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂ ᓴᕐᖀᓯᒪᕗᖅ ᒪᕐᕉᓂᒃ ᕿᒥᕐᕈᕈᓰᓐᓂᒃ ᐊᕙᑎᐅᑉ ᓱᕐᕋᑕᐅᑐᐃᓐᓇᕆᐊᖃᕐᓂᖓᓂᒃ ᐱᓇᓱᐊᕐᑕᐅᓚᖓᔪᒧᑦ; ᐊᑕᐅᓯᖅ 5-ᒦᑦᑐᑎᒎᕐᑐᖅ ᐁᑉᐸᖓᓗ 6-ᒦᑦᑐᑎᒎᕐᑎᓗᒍ ᑕᒡᒐᓂ ᐊᓪᓚᓯᒪᔪᒥ. 5-ᒦᑦᑐᑎᒎᕐᑐᖅ ᕿᒥᕐᕈᓂᖅ ᐊᑐᕐᑕᐅᓲᖅ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦᑕ ᐱᓇᓱᐊᕐᓂᖓᒍᑦ, 6-ᒦᑦᑐᑎᒎᕐᑐᓕ ᐊᑐᕐᑕᐅᓲᖅ ᑲᕙᒪᑐᖃᒃᑯᑦ ᐊᕙᑎᓕᕆᓂᕐᒥᒃ ᕿᒥᕐᕈᔨᖏᓐᓄᑦ.


ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᒍ ᕿᒥᕐᕈᕈᓯᖅ ᓱᕐᕋᑕᐅᒍᑎᐅᔪᓂᒃ

ᐱᓇᓱᐊᕐᑕᐅᒍᒪᔪᖅ ᕿᒥᕐᕈᔭᐅᒌᕐᐸᑦ, ᑐᑭᑖᕐᑕᐅᔪᕕᓂᐅᓗᓂᓗ ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑐᕐᖃᑕᕐᕕᐅᔪᒧᓪᓗ, ᕿᒥᕐᕈᔭᐅᒋᐊᓪᓚᕆᐊᖃᕐᓂᕋᕐᑕᐅᓗᓂ 5-ᒦᑦᑐᑎᒍᑦ ᐊᓪᓚᓯᒪᔪᒥ 7-ᒥ ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᒍᑦ, ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ ᑲᔪᓯᑎᑦᓯᓕᕋᔭᕐᑐᑦ 5-ᒦᑦᑐᑎᒍᑦ ᕿᒥᕐᕈᓂᕐᒥᒃ ᑖᑦᓱᒥᖓ ᐱᓇᓱᐊᕐᑕᐅᒍᒪᔪᒥᒃ. ᐅᑯᐊ ᕿᒥᕐᕈᓂᕐᒧᑦ ᒪᓕᑦᑕᐅᔭᕆᐊᖃᓲᑦ:

  • ᐱᓇᓱᐊᕐᑕᐅᒍᒪᔪᒥᒃ ᑕᑯᓐᓇᕋᓱᐊᑦᓯᐊᓂᖅ ᒪᓕᑦᑕᐅᔭᕆᐊᓕᓐᓂᓗ ᓴᕐᕿᑎᕆᓂᖅ;
  • ᓄᐃᑎᕆᓂᖅ ᒪᓕᑦᑕᐅᔭᕆᐊᓕᓐᓂᒃ ᐊᑐᐃᓐᓇᕈᕐᑕᐅᓂᑦᓴᖓᓄᑦ ᐊᓪᓚᑕᐅᒋᐊᖕᖓᕈᑎᖓᑕ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᐅᑉ
  • ᐱᓇᓱᐊᕈᒪᔪᒧᑦ ᐊᑐᐃᓐᓇᕈᕐᑕᐅᓂᖓ ᑐᓂᔭᐅᓂᖓᓗ ᐊᓪᓚᑕᐅᒋᐊᖕᖓᕈᑎᖓᑕ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᐅᑉ
  • ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ- ᒪᓕᑦᑕᐅᔭᕆᐊᖃᕐᓯᒪᔪᑦ ᓇᓛᒍᑦᓯᐊᕋᓗᐊᕐᒪᖓᑦ ᕿᒥᕐᕈᓂᖓ ᐊᓪᓚᑕᐅᒋᐊᖕᖓᕈᑎᖓᑕ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᒥᒃ
  • ᐊᓪᓚᑕᐅᒋᐊᖕᖓᕈᑎᖓᑕ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᐅᑉ ᐱᓪᓗᑯᒋᐊᓕᕐᑎᒍᑦ ᕿᒥᕐᕈᔭᐅᓂᖓ
  • ᐱᓪᓗᑯᒋᐊᓕᕐᑎᒍᓕᖓᔪᖅ ᑲᑎᒪᓂᖅ
  • ᐃᓄᓕᒫᕐᑎᓯᓂᐅᒐᔭᕐᑑᑉ ᓯᕗᓂᐊᒍᑦ ᑲᑎᒪᓂᒻᒪᕆᖃᕿᑎᓯᓂᖅ
  • ᐊᑐᐃᓐᓇᕈᕐᑕᐅᓂᖓ ᑐᓂᔭᐅᓂᖓᓗ ᑭᖑᓪᓕᐸᐅᓕᕐᑑᑉ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᐅᑉ
  • ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦ- ᑭᖑᓪᓕᐸᐅᓕᕐᑑᑉ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᒃ ᒪᓕᑦᑕᐅᓯᐊᕐᓂᐊᕋᓗᐊᕐᒪᖔᑦ ᕿᒥᕐᕈᔭᐅᓂᖓ
  • ᑭᖑᓪᓕᐸᐅᓕᕐᑑᑉ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᐅᑉ ᐱᓪᓗᑯᒋᐊᓕᕐᑎᒍᑦ ᕿᒥᕐᕈᔭᐅᓂᖓ
  • ᑭᖑᓪᓕᐹᖅ ᐃᓄᓕᒫᕐᑎᓯᓂᖅ
  • ᓄᓇᕕᐅᑉ ᑕᕆᐅᖓ ᓱᕐᕋᑕᐅᓕᕐᒪᖔᑦ ᕿᒥᕐᕈᔩᑦ ᑲᑎᒪᔨᖏᑦᑕ ᖃᓄᐃᓕᓂᖓ: ᑐᕐᖃᑕᕐᕕᒨᕐᑕᐅᓂᖓ ᑐᓴᕐᑎᓯᐅᑎᐅᑉ ᑭᖑᓪᓕᐸᐅᓕᕐᑑᑉ ᐊᕙᑎᐅᑉ ᓱᕐᕋᑕᐅᒐᔭᕐᓂᐊᖒᕐᓂᖓᓄᑦ ᖃᓄᐃᓕᒐᓚᖓᒍᑎᐅᑉ ᐃᓄᓕᒫᕈᑕᐅᓂᕕᓂᖓᓂᒃ
  • ᑐᕐᖃᑕᕐᕕᐅᑉ ᑐᑭᑖᕈᑎᖓ
  • ᐃᑉᐱᒍᓱᑦᑎᐅᓂᐊᕐᑐ ᑲᑎᒪᓂᖓ (ᐱᓇᓱᐊᕐᑕᐅᒍᒪᔪᖅ ᐊᖏᕐᑕᕕᓂᐅᑉᐸᑦ)
  • ᐱᓇᓱᐊᕐᑕᐅᒍᒪᔪᒥᒃ ᐱᔪᓐᓇᐅᑎᑖᕐᑎᓯᓂᖅ (ᐊᖏᕐᑕᕕᓂᐅᑉᐸᑦ); ᐊᒻᒪᓗ
  • ᓇᐅᑦᓯᑐᑕᐅᓂᖓ ᒪᓕᑦᓯᐊᑎᑕᐅᓂᖓᓗ (ᐊᖏᕐᑕᕕᓂᐅᑉᐸᑦ)